تعريف لجميع تقنيات xbox one x – playstation pro

 

 في الفتره الاخيره في شريحه كبيره في مجتمع اللاعبين عندهم شويه سوء استيعاب  عن بعض المصطلحات الجديده اللي داخلين عليها جميعا سواء في عالم الكونسول playstation 4 pro – xbox one x  او حتي البي سي ….  المقال هنا هيحاول يبسط ويشرح المصطلحات دي للجميع ان شاء الله
التقنيات اللي هتكلم عنها في المقال هي 4k – hdr – upscaling
مع بعض النصائح لافضل الشاشات والمونيتورز المتاحه بالسوق المصري
اولا تقنيه ال hdr ….
تقنيه ال hdr هي اختصار لمصطلح high dynamic range طيب انا هاخد الموضوع من البدايه شويه التقنيه في البدايه كانت تقنيه تصوير … الكاميرات الاحترافيه من فتره مش بعيده مكانتش بتقدر توصل للوضوح الكامل لمنطقه معينه ” المناطق الداكنه او ليس بها اضائه كافيه ” فكان امصورين الاحترافيين بيصورو نفس المنطقه 3-4 مرات بشكل ومن زوايا  مختلفه يعني مره في اضائه كبيره موضحه جميع التفاصيل ومره في اضائه خافته  ومره في اضائه متوسطه وهكذا وفي النهايه المصور بيدمج كل الصور لنفس المكان ويطلع منها افضل وضوح وافضل تفاصيل ممكنه

يعني ببساطه شديده جدا تقنيه ال hdr بتهدف لوضوح الصوره بسواد عميق جدا في اكتر الاماكن ظلمه بدون التضيحه بالتفاصيل وبرضه بتهدف لاقصي نصاع البياض في اكثر الاماكن اضائه وبرده بدون التضحيه بالتفاصيل وفي النهايه باعمق الالوان الحيويه اللي ممكن تشوفها وبرده بدون التضحيه بالتفاصيل
بالنسبه للشاشات والجيمنج تقنيه ال hdr زي ما قولت هي بتعتمد علي 3 حاجات عمق السواد ونصاع البياض و حيويه الالوان الشاشات ال high end   “. شاشات ذات تقنيه تصنيع عاليه وبامكانيات كبيره وبسعر عالي ” قبل تقنيه ال hdr كانو برده بيهدفو للكلام ده بتقنيات زي deep color – live color بالنسبه للالوان و clear white للبياض و black corrector – deep black بس للاسف ال enhancements دي كانت بتكبر ال input lag  ” الوقت اللي بيتم استغراقه بين الامر علي controller وظهوره علي الشاشه ويقاس بالميلي ثانيه ms ” بشكل واضح وكبير جدا اي game mode كان بيقفلها كلها بس الموضوع ده فتقنيه ال hdr دمجت التقنيات دي كلها وبنسب input lag معقوله جدا حاليا

ثانيا انواع ال hdr هما اكتر من نوع بس انا هركز علي اشهر اتنين hdr 10 و ال hdr dolby vision ال hdr 10 هو الاحدث  من حيث انتشار محتوياته قصاد محدوديه محتويات ال hdr dolby
التباين  contrast …. التباين هو الفرق بين الابيض والاسود علي الشاشه ودا بيتقاس في ال hdr بحاجه اسمها ال nits ببساطه هي شموع لكل متر مربع ع الشاشه كل ما الشموع بتزيد كلما زاد التباين لل hdr
ال hdr effects بتشتغل مع ال hdmi 1.4 port اللي موجود عند المعظم واللي موجود في ps4 واتعملها ابديت وبقي يشغلوه حاليا للشاشات اللي بتكون ع الاقل 8 bit هي شاشات   قديمه حبتين بس متواجده حتي الان في الاسواق
ال hdr 10 بيشتغل مع اشاره ال hdmi 2 ودي متواجده في ps4 pro – وهتبقي متواجده في xbox x –  xbox one s
شاشات ال hdr 10 متواجده دلوقتي وهي الاغلي عموما فياريت اللي مقبل علي التجربه يبقي عارف النوعيين وهيجيب ايه ويعرف specs الشاشه اللي هيجبها  وهل هتناسبه ولا لا

ثانيا تقنيه ال   4k resolution
طيب النقطه الاكثر جدلا  حاليا خصوصا مع اقتراب ال xbox one x  ال ps 4 pro بيشغل 4k حقيقي او native 4k لا …..
ببساطه شديده ال 1080p هو عدد البيكسلز علي الشاشه من ناتج ضرب 1920 *1080

وال 4k هو عدد البكسلز علي الشاشه باربع اضعاف من ناتج ضرب 4096* 2160

ال ps4pro بيستخدم تقنيه checkerboard upscaling للبيكسلز من ناتج ضرب 3840*2160 موجوده برضه في صوه تحت فوضوح ال 4k المستخدم حجما فقط انما دقه فهو upscaling تقريبا من ضعفين ال 1080p بدال ال 4 اضعاف
في بعض اجتهادات من المطورين وهيبقي فيها native 4k بس بتضحيات في الجرافيكس عموما هتبقي اختيارات بين اللاعبين والمطورين

الموضوع هنا هيختلف مع جهاز ال xbox one لان الهاردوير اقوي فهيقدم الالعاب بدقه صافيه من غير اي نوع من ال upscaling او الرفع

وبرده هترجع للمطور الاصلي للعبه هو حابب يطور لعبته او افضل دقه هتتقدم مع المنتج بتاعه

اخيرا نصائح بافضل الشاشات في السوق المصري لتقنيات الجيل الجديد

حاليا شريحه كبيره في مجتمع اللاعبين المصري بيواجه مشاكل مع اختيار الشاشات – monitors   او التلفزيونات  tvs

عموما بدايا الاختيارات القادمه جايه من تجربه شخصيه وتفضيل مني – ممكن يكون مناسب ليك او لا

عموما في البدايه وصراحا افضل ما يمكن اللعب عليه هو ال monitors لان معظمها بيجي بمعدل تأخير input lag  قليل بيتراوح من 1- 5 ms ودا مناسب جدا لل gaming

وبيدي انسيابيه مريحه للعين اثناء اللعب بجانب انه هام جدا للاشخاص اللي بتفضل العاب المنظور الاول fps

حاليا بالنسبه لل monitors في عالم ال 4k للاسف حاليا مش متواجد بكثره ال monitors اللي بتدعم 4k + hdr

عموما افضل مايمكن تشغيله مع ps4 pro – xbox one x بالنسبه لل monitors من وجهه نظري

Samsung U28E590D

المونيتور زي ماهو واضح uhd بريزليوشن 3840 * 2160

وبمعدل input lag يعتبر رائع 1 ms

مشكلتها الوحيده هو عد دعم تقنيه الالوان hdr

وزي ما وضحت المونيتورز الحاليه اللي بتدعم تقنيه hdr قليله جدا واسعارها فلكيه

سعرها في السوق المصري  8750  جنيه

بالنسبه للتليفزيونات  حاليا السوق المصري فيه براندات كتير بتقدم تقنيه 4k – hdr

لكن المشكله دائما وابدا مع التليفزيونات هو معدلات ال input lag العاليه جدا

عموما اختياراتي كلها قائمه علي مواجعات موقع rtings – وعلي الاعدادات الافتراضيه للتلفزيون في gaming mode

من وجهه نظري حاليا افضل براندات متواجده في السوق بتقدم التقنيات دي هي ال lg – samsung

الاختيارات لحجم 43  بوصه  مع معدل سعر معقول في السوق المصري

43uj630v  يعتبر واحد من ارخص الشاشات المتاحه حاليا في السوق المصري

بتقدم تقنيه ال 4k – hdr

وبمعدل input lag علي الاعدادات القياسيه –  game mode  بيوصل  ل 12 ms علي اي دقه

ودا يعتبر اداء مناسب جدا للجيمنج بجانب ال hdr

مع المعلوميه معدلات اللاج ممكن تعلي لو تم التغيير في الاعدادات القياسيه في الشاشه

سعرها في السوق المصري 9100  جنيه

mu 7000  هي من موديلات 2017 لشركه سامسونج

بتقدم تقنيه ال 4k – hdr

وبمعدل input lag علي الاعدادات القياسيه –  game mode  بيوصل  ل 20 ms علي اي دقه

ودا يعتبر اداء مناسب جدا للجيمنج بجانب ال hdr

مع المعلوميه معدلات اللاج ممكن تعلي لو تم التغيير في الاعدادات القياسيه في الشاشه

سعرها في السوق المصري 10000 جنيه

بعض التوضيحات هنا الخروج عن ال game mode اعدادات اعلي من القياسيه ممكن يعلي ال input lag

وهنا لازم تحدد اختيارك لان معظم التليفزيونات في السوق بيكون دي معدلات ال input lag بتاعتها – بس في المقابل بيبقي في جماليه كبيره في الصوره

بعكس ال monitors اللي بتقدم انسيابيه وسرعه بس نقطه الجماليه تكون قليله حبتين –  هنا ترجع لاهواء اللي بيشتري

عموما في المقال دا حاولت اني اجمع اكبر قدر من المعلومات عن التقنيات دي وابسطها علي قد ما اقدر للجميع

وسوم

ربما يعجبك أيضا...

0 تعليقات “تعريف لجميع تقنيات xbox one x – playstation pro”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

استطلاع رأي

ماذا تُفضل ؟

View Results

جاري التحميل ... جاري التحميل ...